06 июн 13:56
Янгиликлар

Теннис

“Наманган Фьючерс”. Омонмуродовада ҳам мағлубият

Наманган шаҳрида ўтказилаётган теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 АҚШ долларни ташкил қилувчи мусобақада биринчи давра учрашувлари ўтказиляпти. Афсуски тажрибали теннисчимиз Оқгул Омонмуродова мағлубиятга учради.

Омонмуродова 1 соату 2 дақиқа давом этган учрашувда турнирнинг тўртинчи ракеткаси, россиялик Ксения Ликинага 1:6, 3:6 ҳисобида имкониятни бой берди. Бироз аввал биринчи ракетка Сабина Шарипова ҳам биринчи даврадаёқ мағлубиятга учраган эди.