15 мар 17:11
Янгиликлар

Бошқалар

Наманганда ёзги биатлон бўйича Ўзбекистон кубоги бошланди

Ўзбекистон мудофаасига кўмаклашувчи "Ватанпарвар" ташкилоти Наманган вилояти кенгаши негизида ёзги биатлон бўйича Ўзбекистон Кубоги мусобақасининг тантанали очилиш маросими ўтказилди.

Ушбу тадбирда Республика техник ва амалий спорт турлари маркази бош мураббийи С.В.Серебряков, Наманган вилояти жисмоний тарбия ва спорт бошқармаси бошлиғи Ш. Қорабоев, Ўзбекистон ёшлар иттифоқи Наманган вилояти кенгаши раиси А.Мўминов, "Нуроний" жамғармаси Наманган вилояти кенгаши раиси И.Нажмиддинов, тасарруфдаги ташкилотлар раҳбарлари ва ОАВ ходимлари иштирок этдилар. Тантанали тадбирдан сўнг, ёзги биатлон бўйича Ўзбекистон Кубоги мусобақасига старт берилди. Ушбу мусобақада Тошкент шаҳри ва вилоятлардан жами 108 нафар спортчи иштирок этмоқда.