Наоми Осака: Икки йилдан бери тупроқли кортда ўйнамаяпман

"Мен икки йилдан бери тупроқли кортда ўйнамайман, шунинг учун "Ролан Гаррос"га қадар бўлган ўйинларда машқ қилишим керак. Нимада ишлашим кераклигини билмайман, чунки охирги пайтдаги ҳис-туйғуларимни эслай олмайман.

Ҳозирча зарбаларим ёмон эмас. Умид қиламанки, бу етарли бўлади. Ўйинлар менга тупроқли кортга мослашишимга ёрдам беради деб ўйлайман. Ҳозирча менда қандай ўйнаш кераклиги борасида етарли тажриба йўқ.

Тупроқли кортда ўтадиган турнирлар мавсуми бошланганидан хурсандман, чунки мен ҳеч қачон тупроқли кортдаги мусобақаларда ғолиб чиқмаганман. Бошқа томондан, мен яхши натижа кўрсатишни хоҳлаганим учун ташвишланяпман. Менимча, ғалаба қозонишим керак деб ўйламаганимда, яхшироқ ишлайман. Агар сиз ҳақиқатан ҳам ниманидир хоҳласангиз, бу туйғуни енгиб ўтиш қийин", - дея Осаканинг сўзларидан иқтибос келтиради Tennis.com.