01 апр 11:38
Янгиликлар
Бокс/ММА
Наоя Иноуэ ҳамюрти билан жанг қилишга келишиб олди
Иккинчи энг енгил вазн тоифасида япониялик мутлақ жаҳон чемпиони Наоя Иноуэ энг енгил вазндаги WBC чемпиони бўлиб турган ҳамюрти Жунто Накатани билан Токиодаги анъанавий JBC тадбирида учрашди.
Тадбир давомида Наоя Жунтони жангга чақирди.
"Бу фаолиятимдаги алоҳида эсланадиган йил бўляпти. Мен уни янада яхшироқ қилишни хоҳлайман. Бу йил мен кўплаб мухлислар ва спорт атрофидаги одамлар гапирадиган йирик ички жангни ташкил этиш учун қўлимдан келганини қилмоқчиман. Жаноб Накатани, бир йил ўтгач Tokyo Dome мажмуасида япон боксини биргаликда кўтариш учун жанг қилайлик", деди Наоя.
Накатани эса бунга "биз буни албатта амалга оширамиз!", қабилида жавоб берди.
Иноуэ 4 май куни АҚШда Рамон Карденас билан жанг қилади. Мазкур жангда ғолиб бўлган тақдирда Наоя сентябрь ойида ўзбекистонлик Муроджон Аҳмадалиев билан тўқнаш келади.
Ҳавола :
Манба : Kyodo News
Фикрлар