15 окт 08:04
Янгиликлар

Футбол

"Навбаҳор" 24 йиллик танаффусдан кейин Ўзбекистон кубоги финалига йўл олди

Наманганда Coca Cola Ўзбекистон кубоги иккинчи ярим финал учрашуви ўтказилди.

"Навбаҳор" - "Сўғдиёна" учрашувининг асосий вақтида ва қўшимча бўлимларда ҳисоб очилмади. Пенальтилар сериясида эса "Навбаҳор" 3:1 ҳисобида ғалаба қозонди ва финал йўлланмасига эга чиқди.

Шу тариқа, "Навбаҳор" 24 йиллик танаффусдан сўнг яна Ўзбекистон кубоги финалига йўл олди. Охирги марта "Навбаҳор" 1998 йил кубок финалида майдонга тушиб, "Нефтчи"ни доғда қолдирган ва Ўзбекистон кубоги соҳибига айланганди.

Эслатиб ўтамиз, Coca Cola Ўзбекистон кубоги финал учрашуви 30 октябрь куни Бухорода ўтказилади. Унда "Навбаҳор" ва "Насаф" ўзаро тўқнаш келади.