27 ноя 08:52
Янгиликлар
Бокс/ММА
Нефть мамлакатлари кубоги. Умумжамоа ҳисобида учинчи бўлдик!
Россиянинг Белоярский шаҳрида нефть қазиб чиқарувчи давлатлар ўртасида бокс бўйича анъанавий халқаро турнир якунига етди.
“Нефть мамлакатлари кубоги” мусобақасида муваффақиятли иштирок этган чарм қўлқоп усталаримиз якунда 1 та олтин, 3 та кумуш медали билан умумжамоа ҳисобида Россия ва Қозоғистондан сўнг учинчи ўринни банд этишди.
Нефть қазиб чиқарувчи давлатларнинг Жаҳон кубогини номини олган нуфузли мусобақада терма жамоамизга ягона олтин медални Рио Олимпиадаси чемпиони Ҳасанбой Дўсматов тақдим этди. У ўзи учун янги -52 кг вазн тоифасида рингга кўтарилган бўлишига қарамай, барча рақибларини катта устунлик билан мағлуб эта олди.
Санжар Турсунов, Исроил Мадримов ва Иқболжон Холдоров финал баҳсида рақибларига имкониятни бой бериб, якунда кумуш медаль билан тақдирланишди. Ушбу турнирда 5 нафар боксчимиз юртимиз спорт шарафини ҳимоя қилди.
Ҳавола :
Манба : olamsport.com
Фикрлар