"Нефтчи" яна уч нафар футболчиси билан шартномани узайтирди

Ўтган мавсум жамоанинг асосий ҳимоячилари бўлган Иброҳимҳалил Йўлдошев ва Боян Цигер билан шартномани узайтирди. Янги келишув 2 йилга мўлжалланган. Шунингдек, "Нефтчи" жамоанинг узоқ йиллик дарвозабони Акбар Тўраев билан шартномани бир йилга узайтирди.

Йўлдошев ўтган мавсум "Нефтчи" сафида 24 та учрашувда майдонга тушди. Унинг ҳисобида 4 та гол ва 2 та ассист бор. Цигер эса 28 та учрашувда майдонга тушиб, 3 та гол урган. Тўраев ўтган мавсум 2 та баҳсда жамоасининг дарвозасини қўриқлади.