16 авг 09:54
Янгиликлар

Футбол

"Нэшвилл" "Интер Майами"ни тор-мор этди. Месси пенальтини амалга ошира олмади + ВИДЕО

МЛС доирасидаги навбатдаги тур ўйинида "Нэшвилл" ўз майдонида "Интер Майами"ни қабул қилди.

Учрашув Нэшвиллдаги (АҚШ) "ГЕОДИС Парк" стадионида бўлиб ўтди ва мезбонларнинг 4:1 ҳисобидаги ғалабаси билан якунланди. "Нэшвилл" таркибида Энди Нахар, Хани Мухтар (иккита гол) ва Сэм Сарридж гол урдилар.

"Интер Майами"дан ягона жавоб тўпини Лионель Мессининг узатмасидан сўнг Теласко Сеговия киритди. 23-дақиқада афсонавий аргентиналик ҳужумчи пенальтидан унумли фойдалана олмади.

Ўн тўққизинчи турдан сўнг "Нэшвилл" ва "Интер Майами" МЛС умумий турнир жадвалида пешқадамлик қилишмоқда, Месси жамоаси рақибидан беш очкога ортда қолмоқда.

МЛСнинг навбатдаги ўйинида "Нэшвилл" меҳмонда "Нью-Йорк Ред Буллз" билан куч синашади, "Интер Майами" эса сафарда "Филадельфия Юнион"га қарши майдонга тушади. Иккала учрашув ҳам 20 август куни бўлиб ўтади.