Нейт Диас Ислам Махачев ва Хабибга мурожаат қилди

Америкалик "ишкалчи" яқинда Ислам Махачев билан бўлган можароси ҳамда Лас-Вегасдан Сан-Францискога учмоқчи бўлиб турган Хабиб Нурмагомедовни самолётдан тушириб юборишганига муносабатини билдирди. Диас Лас-Вегас лифтида Ислам Махачев ва унинг жамоаси билан учрашиб қолгани ва унда биринчи бўлиб ҳаракатни бошлаганини қатъи рад этмоқда.  

"Мен ҳатто уларнинг орасида Ислам ёки унинг яқинлари борлигини билмагандим. Крон Грейсининг бурчагида бўлиш учун кетаётгандик, мен томонга бутилка улоқтириб, ўзлари муаммо келтириб чиқаришди. Мен лифтда бу йигитни кўрмагандим. Ҳа, ҳеч қачон учратмаганман. Динни қаттиқ ушлаган йигитларга алдаш ярашмаса керак", - дея Ислам Махачев жамоадошлари билан бўлиб ўтган ҳолатни эслади Диас. 

Шунингдек, Нейт Диас Хабиб Нурмагомедовни самоётдан тушириб юборишаётган ҳолат акс этган видеони ҳам ижтимоий тармоқдаги саҳифасига жойлаб, вазиятга муносабатини билдирди. 

"Бу воқеа чемпион билан бўлиб ўтдими? Сен бу вазиятда "ҳа" деб айтишинг керак эди, чемпион. Мен эса ҳозир самолётга чиқишим керак. Ҳа-ҳа-ҳа", - дея кулиб қўйган Диас.