Нейт Диас Конорнинг "вызов"ига "ответ" қилди

Ирландиялик Диасни UFC президенти Дана Уайт томонидан ташкил этилган юзга тарсаки тушириш бўйича чемпионатнинг чемпионлик жангида куч синашишга чақирганди. 

"Мен бу ўйинда сени аллақачон уриб бўлганман!", - дея ушбу суратни жавобга қўшиб илова қилган Нейт. 

Шунингдек, у жавобини қуйидаги фикрлар билан якунлаб қўйди: "Агар сабмишенларга рухсат берилмаганида, мен сени Флойддан кўра тезроқ нокаутга учратган бўлардим. Шундай бўлса-да, мен сени яхшироқ ва тезроқ бўғим қўйдим". 

Маълумот учун, Конор Макгрегор ва Нейт Диас октагонда ўзаро икки бор тўқнаш келишган. 2016 йилнинг март ойида Лас-Вегасда ўтган UFC 196 турнирида Диас қисқа фурсатда жангга розилик бериб, иккинчи раундда Конорни бўғиш усули билан мағлубиятга учратган эди. Ўша жангдан беш ой ўтиб, UFC 202 турнирида Макгрегор реванш олишга муваффақ бўлди. У очколар эвазига Диасдан устун келди.