17 янв 18:34
Янгиликлар

Бокс/ММА

Нганну кетганидан кейин UFC оғир вазн тоифасидаги энг қиммат жангчи ким экани очиқланди

Хабарингиз бор, собиқ UFC чемпиони Фрэнсис Нганну дунёнинг энг кучли лигаси билан хайрлашган эди.

Айнан у кетгунига қадар оғир вазн тоифасидаги энг катта гонорарга эга жангчи бўлган. Энди бу мақом яримоғир вазнда собиқ UFC чемпиони Жон Жонсга тегишли. Бу хабарни унинг менежери Ричард Шефер тасдиқлади.

"UFC Жон Жонснинг қандай куч ва эътиборга эга эканини жуда яхши билади. У иқтидор эгаси. Жон оғир вазннинг энг кўп ҳақ олувчи жангчисига айланди. UFC ҳам биз билан шартнома имзолаганидан манфаатдор ва табиийки хурсанд. Хантер Кэмпбеллнинг менга айтишича, Жонс ташкилот тарихида барча вазнлар бўйича Конор Макгрегордан кейин иккинчи энг қиммат жангчига айланади", — дея Шефернинг сўзларини келтиради MMA Mania.

Эслатиб ўтамиз, UFC 285 турнири доирасида Жон Жонс Сирил Ганга қарши чемпионлик камари учун октагонга кўтарилади.