NHL Олимпиада пайтидаги танаффусда қолдирилган баъзи ўйинларни ўтказа олмайди. Мунтазам чемпионат узайтирилиши мумкин

Аввалроқ, лига ва иттифоқ хоккейчиларнинг 2022 йилда Пекинда бўлиб ўтадиган Олимпиадада иштирок этмаслигига келишиб олгани маълум қилганди.

ESPN хабарига кўра, лига учун энди янги тақвим тузиш масаласи кун тартибига чиқмоқда. Олимпиада танаффуси 6-22 февраль кунларига белгиланган эди.

Маълум қилинишича, NHL ареналар бандлиги сабабли ушбу 2 ҳафта ичида кўчирилган барча ўйинларни ўтказа олмайди.

Лига мавсумнинг икки томонлама тақвимини тузишда Олимпия ўйинларидан воз кечилган тақдирда тақвимни сақлаб қолишни сўради, аммо кўплаб ареналар пандемия давридаги даромад йўқотилишини қоплаш зарурати туфайли барибир бошқа тадбирларни режалаштиришган.

Шундай қилиб, февраль ойида NHL жамоалари қандайдир танаффусга эга бўлишлари мумкин. "Нэшвилл" клубининг бош менежери Дэвид Пойлнинг айтишича, бу муддат лига ва иттифоқ ўртасида муҳокама қилинадиган мавзу бўлади.

Унга кўра, мунтазам чемпионатни бир ҳафтага узайтириш варианти ҳам истисно этилмаган.