02 сен 12:20
Янгиликлар

Теннис

Нигина ва Оқгул Алматидаги турнирда вице-чемпион бўлишди

Қозоғистоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 АҚШ долларини ташкил қилган мусобақанинг жуфтлик баҳсларида иштирок этган теннисчи қизларимиз -Нигина Абдураимова ва Оқгул Омонмуродова финалда мағлубиятга учраб, турнир вице-чемпионига айланишди.

Улар турнирда иккинчи рақамли жуфтликни хосил қилишган бўлиб, финал учрашувида мусобақанинг биринчи рақамли жуфтлиги бразилиялик Габриэла Се ҳамда россиялик Яна Сизиковага 4:6, 6:3, тай-брекда 7:10 ҳисобида имкониятни бой беришди.