12 июн 10:24
Янгиликлар
Бокс/ММА
Ниҳоят: Муроджон Аҳмадалиев Наоя Иноуэ билан жангини эълон қилди (ПОСТЕР)
Иккинчи энг енгил вазн тоифасида WBA Interim камари соҳиби, ўзбекистонлик Муроджон Аҳмадалиев кейинги жанги санаси ва манзилини маълум қилди.
30 яшар чарм-қўлқоп устаси 14 сентябрь куни Япониянинг Токио шаҳрида ташкил этиладиган проф бокс оқшомининг марказий беллашувида иккинчи энг енгил вазннинг мутлақ чемпиони, япониялик Наоя Иноуэга қарши рингга кўтарилади.
Жанг мутлақ чемпионлик учун бўлиб ўтади.
"Кейинги бекат Токио, Япония", дея қуйидаги постерни изоҳлаган Аҳмадалиев.
Маълумот учун, Наманганда туғилган Муроджон проф фаолияти давомида ҳозиргача 15 та жанг ўтказиб, 14 та ғалаба ва 1 та мағлубият қайд этган. 32 яшар Иноуэ ҳисобида эса фақатгина 30 та ғалаба мавжуд.
Ҳавола :
Манба : olamsport.com
Фикрлар