Ник Киргиос Australian Open'ни тарк этди

Теннисчи Австралия Очиқ чемпионатининг биринчи даврасида россиялик Роман Сафиуллин билан ўйнаши керак эди. Шу тариқа, Сафиуллин саралаш баҳсларидан ўтолмаган омадли мағлубга қарши кортга чиқади.

Маълумот учун, ўтган мавсум Ник учун омадли бўлди. Йил бошида у Коккинакис билан бирга Австралия Очиқ чемпионатида ғолиб чиқди. Шундан сўнг, грунт кортларда бўлиб ўтган мусобақаларни бутунлай ўтказиб юборди, аммо майсали кортлардаги турнирларда энг кучли ўйинини намойиш этди. 

У фаолиятида илк бор "Катта Дубулға" турнири финалига чиқди, бу "Уимблдон"да содир бўлди. Кейинчалик Ник Вашингтонда (АҚШ) яккалик ва жуфтлик баҳсларида АТР-500 сериясидаги турнир чемпионлигини қўлга киритди.  US Open – 2022 турнирида эса Киргиос чорак финалга қадар етиб борди.