26 июл 09:04
Янгиликлар
Токио-2020
Никита Рафалович Олимпия ўйинларини ғалаба билан бошлади
Таэквондо бўйича навбатдаги вакилимиз Никита Рафалович Олимпия ўйинларидаги иштирокини бошлади.
-80 вазнли таэквондочимиз Никита Рафалович нимчорак финалда Доминикан терма жамоаси аъзоси Мойзес Эрнандес билан жанг ўтказди. Ҳар учала раундда устунликка эга бўлган Никита 17:7 ҳисобида ғалаба қозониб, чорак финалга йўл олди.
Никита Рафалович чорак финалда озарбайжонлик Милад Беиги Харчеганига қарши жанг қилади.
Маълумот учун, Харчегани 2016 йилги Олимпиада бронза медали соҳиби, 2017 ва 2019 йилларда Жаҳон чемпиони бўлган. Озарбайжонлик таэквондочи бу йилги Олимпиадада 2-рақам остида сараланган.
Рафалович - Харчегани жанги бугун Тошкент вақти билан соат 11:15да бошланади.
Ҳавола :
Манба : olamsport.com
Фикрлар