14 ноя 08:43
Янгиликлар

Теннис

Nitto ATP Finals. Андерсон Нишикорига битта гейм берди

Дунёнинг олтинчи ракеткаси Кевин Андерсон Лондонда ўтказилаётган ATP Якуний турнирининг гуруҳ босқичида иккинчи ғалабасига эришди.

Жанубий Африка Республикаси вакили рейтингнинг тўққизинчи поғонасидан жой олган Кеи Нишикорига ҳеч қандай имконият қолдирмади. Кевин 1 соату 4 дақиқа давом этган учрашувда рақибини 6/0, 6/1 ҳисобида мағлуб этди.

Бу 32 ёшли Андерсоннинг иккинчи ғалабаси бўлди. У биринчи учрашувда австриялик Доминик Тимни мағлубиятга учратган. Япониялик теннисчи эса шов-шувли тарзда Рожер Федерердан устун келганди. Энди учинчи турда Андерсон Федерерга, Нишикори эса Тимга қарши кортга чиқади.