15 ноя 07:32
Янгиликлар

Теннис

Nitto ATP Finals. Жокович ғалабага эришди ва 1/2 финалга чиқди

Буюк Британиянинг Лондон шаҳрида теннис бўйича эркаклар ўртасидаги йилнинг ATP Якуний турнири давом этмоқда.

Дунёнинг биринчи ракеткаси Новак Жокович ATP Якуний турнирининг гуруҳ босқичида иккинчи ғалабасига эришди. Сербиялик теннис юлдузи рейтингда бешинчи ўринни эгаллаб турган германиялик Александр Зверевдан устун келди.

Жокович 76 дақиқа давом этган баҳс якунида рақибини 6/4, 6/1 ҳисобида мағлуб этди. Бу билан Новак муддатидан аввал ярим финал йўлланмасини қўлга киритди. Битта ғалаба ва мағлубиятга эга Зверев бу масалани гуруҳнинг сўнгги ўйинида ҳал қилишга уриниб кўради.