19 ноя 08:24
Янгиликлар

Теннис

Nitto ATP Finals. Жуфтликда америкаликлар чемпион!

Америкалик теннисчилар - Майк Брайан ва Жек Сок Лондон мезбонлик қилган йилнинг Якуний ATP турнири ғолиблигини қўлга киритишди.

Океан орти вакиллари ҳал қилувчи финал учрашувида франциялик теннисчилар - Николя Маю ва Пьер-Юг Эрберни таслим этишди. Бир соату 31 дақиқа давом этган баҳсда Сок ва Брайан 5/7, 6/1, тай-брекда 13:11 ҳисобида зафар қучишди.

Маълумот учун, жорий теннис мавсумида Брайан ва Сок “Катта Дубулға” туркумига кирувчи Уимблдон турнирида ҳам бош мукофот соҳибига айланишган эди.