16 ноя 07:19
Янгиликлар

Теннис

Nitto ATP Finals. Тимнинг татимаган ғалабаси

Дунёнинг саккизинчи ракеткаси, австриялик Доминик Тим Лондонда ўтказилаётган йилнинг Якуний ATP турнирида ғалабага эришди.

Тим рейтингнинг тўққизинчи поғонасидан жой олган япониялик Кеи Нишикорини 1 соату 24 дақиқа давом этган баҳсда 6/1, 6/4 ҳисобида енгди. Лекин бу ғалаба унга ярим финалга чиқиш учун камлик қилди.

Иккала теннисчи ҳам гуруҳ босқичида битта ғалаба ва иккита мағлубият қайд этишди. Теннисчилар Ллейтон Хьюитт гуруҳида мос равишда учинчи ва тўртинчи ўринларни банд этишди.