19 ноя 07:59
Янгиликлар

Теннис

Nitto ATP Finals. Зверев кутилмаганда чемпион бўлди

Дунёнинг бешинчи ракеткаси, германиялик Александр Зверев Лондонда ўтказилган йилнинг Якуний ATP турнири ғолибига айланди.

Зверев 80 дақиқа давом этган ҳал қилувчи финал учрашувида дунёнинг биринчи ракеткаси, сербиялик Новак Жоковични 6/4, 6/3 ҳисобида таслим этди.

21 ёшли Зверев баҳс давомида 10та, 31 ёшли Жокович эса бор йўғи битта эйс зарбасини амалга оширди. Александр 23 йиллик танаффусдан сўнг Nitto ATP Finals турнирида чемпионликка эришган германиялик теннисчига айланди.