26 окт 14:57
Янгиликлар

Гандбол

Норин тумани гандболчилари – мусобақа ғолиби!

Намангандаги спорт ўйинлари ва енгил атлетикага ихтисослаштирилган “Баркамол авлод” спорт мажмуасида “Беш ташаббус олимпиадаси” доирасида маҳалла ёшлари ўртасида спортнинг гандбол тури бўйича маҳалла уюшмаси кубоги мусобақаси ўтказилди.

Очилиш маросимида вилоят ҳокимлиги котибият мудири Фахриддин Йўлдошев, Ўзбекистон маҳаллалар уюшмаси вилоят бошқармаси бошлиғи Илҳом Икромов, вилоят спорт бошқармаси бошлиғи Анвар Тўйчиев, вилоят Ёшлар ишлари бошқармаси бошлиғи Бахтиёр Мирзатов иштирок этди.

Мусобақада маҳаллаларда истиқомат қилувчи 17-30 ёшли ўсмирлардан таркиб топган 14 жамоа ўзаро баҳс олиб борди. Якуний натижаларга кўра, Норин тумани жамоаси биринчи, учқўрғонлик спортчилар иккинчи ва Косонсой тумани гандболчилари учинчи ўринни эгаллади.

Ғолиб жамоаларга ташкилотчилар томонидан диплом, медаль ва қимматбаҳо совғалар топширилди.