Норинда бел олиш ва уч кураш бўйича Ўзбекистон кубоги ўтказилмоқда

Ўзбекистон Республикаси Туризм ва спорт вазирлиги ҳамда Ўзбекистон Бел олиш ва уч кураш ассоциациясининг йиллик-тақвим режасидаги мазкур мамлакат кубоги баҳсларида Қорақалпоғистон Республикаси, Тошкент шаҳри ва барча вилоятлардан 600 нафарга яқин ёш полвонлар ғолиблик учун беллашишмоқда.

Мусобақа доирасида тантанали очилиш маросими ҳам ташкил этилди. Унда иштирок этган Ўзбекистон Бел олиш ва уч кураш ассоциацияси бош котиби Носир Азизов мусобақа қатнашчиларига омад тилади.

Мусобақа регламентига мувофиқ, дастлаб спортчилар бел олишнинг халқа-чалиш, чалиш ҳамда Уч курашнинг яктакли йўналишларида белгиланган вазн тоифларига кўра куч синашишяпти.

Шунингдек, бел олиш курашининг чалиш йўналиши бўйича илк бор жамоавий беллашувлар ҳам ўтказилди. Жами 15 та вазн бўйича жамовий беллашувларда кўпчилик катта эҳтимол билан сирдарёлик полвонларнинг ғолиб бўлишини кутишаётган эди. Лекин Сирдарё жамоаси финалда Наманган жамоасига 7:8 ҳисоби билан мағлубиятга учради.

Шундай қилиб жамоавий мусобақада биринчи ўринни Наманган спортчилари, иккинчи ўринни Сирдарё жамоаси ва иккита учинчи ўринларни Андижон ва Фарғона жамоалари қўлга киритишди.  

Муросасиз ва шиддатли жараёнларга бой тарзда ўтаётган Ўзбекистон кубоги мусобақасининг яккалик баҳсларида ўз вазн тоифаларида рақибларини енгиб, биринчи ўринларни эгаллаган ёш полвонлар билан танишамиз.

Бел олишнинг чалиш йўналиши

Ўғил болалар 

30 кг. – Дониёр Шоимқулов (Сирдарё)

38 кг. – Хуршидбек Эргашалиев (Наманган)

47 кг. – Муроджон Азамқулов (Сирдарё)

58 кг. – Оғабек Мирзаахмедов (Сирдарё)

70 кг. – Нормуҳаммад Бахтиёров (Фарғона)

Қизлар

32 кг. – Фотима Икромалиева (Наманган)

38 кг. – Дилдора Муҳаммадалиева (Фарғона)

42 кг. – Машҳура Одилова (Андижон)

46 кг. – Мухлиса Қосимова (Андижон)

+46 кг. – Дурдона Мамуржонова (Сирдарё)

Бел олишнинг халқа чалиш йўналиши

35 кг. – Беҳрузбек Ҳайитов (Фарғона)

44 кг. – Нормуҳаммад Ўринбоев (Фарғона)

54 кг. – Рустам Каримов (Сирдарё)

66 кг. – Асадбек Равшанбеков (Андижон)

Мутлоқ вазн. – Азамжон Бакиров (Наманган)

Уч курашнинг яктакли йўналиши

Ўғил болалар

32 кг. – Беҳруз Асанов (Жиззах)

41 кг. – Ҳаитбек Обиджонов (Андижон)

50 кг. – Иброҳимжон Умаралиев (Андижон)

62 кг. – Самандар Шарипов (Наманган)

+70 кг. – Элдор Давронов (Жиззах)

Қизлар

32 кг. – Фарангизхон Фозилова (Фарғона)

38 кг. – Мубина Орибжонова (Андижон)

42 кг. – Меҳрибону Неъматова (Сирдарё)

46 кг. – Чарос Абдуҳолиқова (Сурхондарё)

+46 кг. – Мадинабону Бобохўжаева (Тошкент ш.)

Ғолиб ва совриндорлар  диплом, медаль ва эсдалик совғалари билан мукофотланишди. Мусобақа дастурига кўра, айни пайтда Уч кураш бўйича беллашувлар бўлиб ўтмоқда. Кубок беллашувлари 30 июнга қадар давом этади. 

Илҳом РАҲМОНОВ тайёрлади