06 сен 18:05
Янгиликлар
Теннис
Новак Жокович "Дэвис Кубоги" гуруҳ босқичида терма жамоасига ёрдам беролмайди
Жаҳоннинг собиқ биринчи ракеткаси Новак Жокович 13-18 сентябрь кунлари бўлиб ўтадиган "Дэвис Кубоги" гуруҳ босқичида Сербия миллий терма жамоаси сафида ўйнамайди.
«У шахсий сабабларга кўра ўйнамайди. Новак терма жамоага жуда кўп ёрдам берган, аммо бу сафар ёрдам бера олмайди. Агар Малагага йўлланма олсак, у таркибга қўшилади», - дея Сербия терма жамоаси сардори Виктора Троицкининг сўзларини келтиради журналист Саша Озмо Twitter саҳифасида.
Маълумот учун, Сербия Испания, Канада ва Жанубий Корея билан бир гуруҳдан жой олган. Баҳслар Валенцияда бўлиб ўтади.
Эслатиб ўтамиз, "Дэвис Кубоги"нинг плей-офф босқичи 22-27 ноябрь кунлари Малага шаҳрида ўтказилади.
Ҳавола :
Манба : gotennis.ru
Фикрлар