Новак Жоковичдан яна бир рекорд!

"Катта Дубулға" туркумига кирувчи турнирларда эса у 35-бор финалда ўйнайди. Бу эркаклар ва аёллар теннисида мутлақ рекорд кўрсаткич ҳисобланади. Америкалик Крис Эверт 34 марта "Улкан Тож" турнирлари финалида кортга чиққан бўлса, унинг ҳамюрти Серена Уильямс 33 марта бош соврин учун кураш олиб борган. 

Бу кўрсаткич бўйича Мартина Навратиловада 32, Штефи Графф ва Рожер Федерерда 31 тадан, Рафаэль Надалда эса 30 тадан финал бор. 

Новак Жокович етти карра Уимблдон чемпиони ҳисобланади. Сербиялик теннисчи саккизта финалдан фақатгина биттасида ютқазган. 2013 йилги ҳал қилувчи баҳсда у британиялик Энди Маррейга 4:6, 5:7, 4:6 ҳисобларида имкониятни бой бериб қўйганди. 

Энди Жокович 8-бор "Уимблдон" бош совринини қўлга киритишга ҳаракат қилиб кўради. Бу йўлда у жаҳоннинг биринчи ракеткаси испаниялик 20 ёшли Карлос Алькаразга қарши баҳс олиб боради.