Нукус шаҳри мезбонлик қиладиган Ўзбекистон Кубогига тайёргарлик муҳокама қилинди

Ўзбекистон дзюдо федерациясида ўтган йиғилишда бўлажак мамлакат кубогига тайёргарлик масалалари муҳокама қилинди. 

Федерация раиси ўринбосари Зафар Қаҳрамонов бошчилигида ўтган тадбирда мусобақага олиб борилаётган тайёргарлик, делегацияларни кутиб олиш ва жойлаштириш, Кубок баҳслари бошланишидан олдидан ҳакамлар учун ташкил этиладиган семинар ҳамда бошқа ташкилий масалалар кўриб чиқилди.   

Йиғилишда бевосита иштирок этган Қорақалпоғистон дзюдо федерацияси раиси Атабек Исмаилов шу масалалар юзасидан атрофлича маълумот берди.