Нукусда ММА бўйича Марказий Осиё чемпионати бошланмоқда

Маълумки, 2020 йил 9 февралда Марказий Осиё аралаш жанг санъатлари Конфедерацияси (CАММАC)га асос солинган.

Нукусда илк бор старт олаётган тарихий чемпионат CАММАC ва Ўзбекистон аралаш жанг санъати ассоциацияси томонидан ташкил қилинмоқда.

Марказий Осиё спорт тарихида биринчи марта ўтказилаётган мазкур турнирда ташкилотга аъзо бўлган 5 та мамлакат вакиллари иштирок этади. Яъни, Ўзбекистон,  Қозоғистон, Қирғизистон, Тожикистон ва Озарбайжонлик аралаш жанг санъати усталари ғолиблик учун  беллашишади.

Мусобака олдиданНукус шаҳридаги Тадбиркорлар палатаси мажлислар залида Марказий Осиё аралаш жанг санъатлари Конфедерацияси вакиллари, чемпионат ҳакамлари, ташкилотчилар иштирокида Матбуот анжумани ўтказилади.

Унда ташкилотчилар ОАВ ходимларини кизиктирган саволларга жавоб беришади. 

9 октябрь куни Нукус шаҳридаги муҳташам “Манеж” спорт мажмуасида Марказий Осиё чемпионатининг илк баҳсларига старт берилади. Чемпионатда спортчилар 52.2 кг, 56.6 кг, 61.2кг, 65.8кг, 70.3кг, 77.1кг, 83.9 кг, 93 кг, 120 кг, ва +120.2 кг вазн тоифаларида кураш олиб боришади. Жанглар 3 раунддан иборат бўлиб, ҳар бир раунд 3 дакика давом этади. Чемпионат дастурига биноан; 

9 октябрь:   

10:00  саралаш жанглари

18:00  Марказий Осиё чемпионатининг очилиш маросими

19:00  ярим финал жанглари

10 октябрь соат 10:30   финал жанглари ва такдирлаш маросими  

Марказий Осиё чемпионатида Ўзбекистон терма жамоаси Хумоюншох Зокиров, Бехруз Исроилов, Хусниддин Саттаров, Шукурулло Рустамов, Бехруз Акбаров, Мунис Мўминжонов, Икром Эржанов каби тажрибали спортчилар билан бир қаторда 20 нафар ҳавакор спортчилар ғолиблик учун Нукус спорт майдонидаги мусобақаларда қатнашишади.