26 сен 10:19
Янгиликлар

Бокс/ММА

Нурмагомедов - Макгрегор: жанг ҳаками эълон қилинди, рефери бу баҳс учун 1 900 доллар олади

UFC аралаш қоидалар бўйича енгил вазнда жаҳон чемпиони Хабиб Нурмагомедов ҳамда икки вазнда собиқ UFC чемпиони Конор Макгрегор ўртасидаги жангга ҳакам тайинлади.

Унга кўра UFC 219 шоусининг марказий жангида 47 ёшли таниқли рефери Херб Дин ҳакамлик қилади. Дин ушбу жангдаги меҳнати учун 1 900 доллар олади.

Жангдаги ён ҳакамлар вазифасини Дерек Клири, Сэл Д’Амато ва Юничиро Камихо бажаради. Уларнинг ҳар бирига 1 600 доллардан ҳақ тўланади. Нурмагомедов ва Макгрегор ўртасидаги чемпионлик жанги 6 октябрь куни Лас-Вегас шаҳрида бўлиб ўтади.