06 окт 21:14
Янгиликлар

Бокс/ММА

Нурмагомедовнинг Конордан кейинги рақиби маълум қилинди

UFC чемпиони Хабиб Нурмагомедовнинг менежери Ризван Магомедов россиялик спортчининг Конор Макгрегорга қарши ўтказадиган жангидан кейинги режаларини ошкор қилди.

“Энди ҳеч нарсани ўзгартириб бўлмайди. Зилзила бўлиб, шаҳарни ер ютган тақдирдагина жанг қолдирилиши мумкин. Бошқа ҳолатда сизу биз ажойиб жангга гувоҳ бўламиз. Пул учун ўтказиладиган жанглар ҳар доим топилади.

Бу эртага жангдан кейин ҳаёт тугайди, дегани эмас. Ҳали супержанглар кўп бўлади. Ана шундай жанглардан бири Жорж Сен-Пьер ҳамда Тони Фергюсонга қарши кечиши мумкин. Макгрегорга қарши жангдан сўнг биз Фергюсон ёки Сен-Пьер жамоаси билан музокарага киришамиз”, - деди Ризван Магомедов.