Нурсултон октагонга чиққан UFC on ESPN 56 турнирининг барча натижалари битта хабарда

UFC on ESPN 56 оқшомининг марказий жанги оғир вазн тоифасида ўтказилиб, унда UFC чемпионлик камарига собиқ даъвогар Деррик Льюис бразилиялик Родриго Насиментони учинчи раундда нокаутга учратди. Жанг олдидан Деррик рейтингнинг 11, Родриго эса 15-поғонасини банд этиб турганди. 

Турнирнинг co-main event жангида эса ҳамюртимиз Нурсултон Рўзибоев америкалик Хоакин Баклига қарши октагонга чиқди. Уч раунд тўлиқ давом этган жангда Бакли ҳакамларнинг якдил қарори билан ғалаба (30-27, 30-26, 29-27) қозонди. Бу Хоакин учун кетма-кет қўўлга киритилган тўртинчи ғалаба бўлди. Рўзибоев эса икки ғалабадан сўнг UFC промоушенидаги илк мағлубиятини қабул қилиб олди. 

UFC on ESPN 56 турнирининг барча натижалари:

Деррик Льюис Родриго Насиментони техник нокаутга учратди (3-раунд, 0:49 сония)

Хоакин Бакли Нурсултон Рўзибоевни очколар бўйича енгди (30-27, 30-26, 29-27)

Карлос Ульберг Алонзо Менифилдни нокаутга учратди (1-раунд, 0:12)

Диего Феррейра Матеуш Ребецкини техник нокаут билан енгди (3-раунд, 4:51)

Шон Вудсон очколар ҳисобига кўра Алекс Касересдан устун келди (29-28, 29-28, 30-27)

Валдо Кортес-Акоста Робелис Деспаньяни очколар бўйича таслим этди (30-27, 30-27, 30-26)

Чейз Хупер Вячеслав Боршёвни бўғиб қўйди (D’Arce choke) — (2-раунд, 3:00)

Эстебан Рибович Терренс Маккиннини нокаутга учратди (1-раунд, 0:37)

Табата Риччи ҳакамларнинг айри қарори билан Тиш Пеннингтондан устун келди (29-28, 28-29, 29-28)

Трей Уотерс ҳакамларнинг якдил қарори билан Билли Гоффни мағлуб этди (30-27, 30-27, 29-28)

Чарльс Жонсон Жейк Хэдлидан устун келди (29-28, 29-28, 29-28)

Вероника Харди Жей-Жей Олдрични енгди (29-28, 29-28, 29-28)