12 июн 14:22
Янгиликлар

Бокс/ММА

Нурсултон Рўзибоев америкалик UFC жангчисини октагонга чорлади, жавоб қандай бўлди? + ФОТО

Ўзбекистонлик аралаш яккакураш устаси, ҳозирда UFC'да жанг қилаётган Нурсултон Рўзибоев ўзига рақиб изламоқда.

У аввалига X (Twitter), сўнгра, Instagram саҳифаси орқали америкалик Нико Прайс билан жанг қилиш истаги борлигини билдирди.

"Нико, оғайни, август ёки сентябрь ойида мен билан жанг қилишга нима дейсан?", деб ёзди Рўзибоев.

Прайс эса бунга қуйидагича жавоб берди:

"Жин урсин, ҳа оғайни, ажойиб иш бўлар эди. Агар Шон Шелбидан сенинг хабаринг келса, мен доим жанг қилишга тайёрман".

Маълумот учун, Нурсултон Рўзибоев ММАдаги фаолияти давомида 45 та жанг ўтказиб, 34 ғалаба, 9 мағлубият ва 2 дуранг қайд этган. Нико Прайс эса 23 та жанг ўтказиб, уларнинг 16 тасида ғалаба қозонган, 7 та мағлубият қабул қилиб олган.