Нурсултон Рўзибоев "Гладиатор"га қарши жанги бекор бўлганига илк бор изоҳ берди

У ўша куни бўлиб ўтадиган UFC 308 мусобақаси доирасида россиялик Ринат Фахретдинов билан жанг қилиши керак эди. Бироқ Нурсултоннинг жароҳат олиши натижасида беллашув бекор қилинди.

"20 сентябрь куни залда оёғимни бироз қайириб олгандим. 25 сентябрь куни эса UFC доктори жароҳатимни кўриб, икки ҳафта машғулот қилмай туришимни айтди. Менежерим эса бу вазиятда таваккал қилмасдан, жангни бекор қилишимизни айтди. Ўтган сафар ҳам таваккал қилиб, тайёргарликсиз чиқиб, мағлуб бўлганимизни эслатди. Биз жангни ноябрь ойидаги рақамли турнирга кўчиришни сўрадик, лекин Ринатнинг АҚШга визаси йўқлиги туфайли жангимиз бекор бўлди. Худо хоҳласа, янги йилгача яна жанг бериб қолиши мумкин. Бу бизнинг айбимиз билан бўлмади. Ёмон ҳаёлга борманглар", деди Рўзибоев.