11 апр 05:06
Янгиликлар
Бокс/ММА
Нурсултон Рўзибоев иштирокидаги жанг биринчи раундда тўхтатилди
Таниқли ММАчимиз Нурсултон Рўзибоев навбатдаги жангини Россиянинг норасмий шимолий пойтахтида ўтказди.
Рўзибоев (35-8-2) Санкт-Петербург шаҳрида WEF Global томонидан ташкил этилган ММА оқшомида беларуслик Павел Басатскийга қарши октагонга кўтарилди. Жанг биринчи раунднинг ўзида ниҳоясига етди.
Рўзибоев рақибини партер ҳолатида оғритиш усули билан енгди. Бу билан Нурсултон ўзига тегишли бўлган WEF Global чемпионлик камарини муваффақиятли ҳимоя қилди.
Эслатиб ўтамиз, аслида ҳамюртимиз кечаги оқшом Клебер де Соуза Сильва (20-13-1) билан жанг қилиши керак эди. Аммо, бразилиялик аралаш яккакураш устаси Россияга рейслар бекор қилингани сабабли Санкт-Петербург шаҳрига етиб кела олмади.
Ҳавола :
Манба : olamsport.com
Фикрлар