Одилжон Аслонов профессионал рингдаги иккинчи жангида ҳам ғалаба қозонди

Россия Федерациясининг Калининград шаҳрида ўтказилган жангда ҳамюртимиз беларуслик Дмитрий Атрохауга қарши рингга кўтарилди. 

6 раундга мўлжалланган жанг тўлиқ давом этди ва унда ҳакамларнинг якдил қарори билан Одилжон Аслонов ғалаба қозонди. Бу бухоролик боксчимиз учун проф рингдаги иккинчи жанг эди. Бунгача у 2019 йилнинг декабрь ойида россиялик Вараздат Черниковни нокаут эвазига мағлуб этганди. 

Беларуслик Атрохаунинг ўтказган жанглари сони 23 тага етди. У ўз жангларининг 16 тасида ғалаба қозонган (7 та нокаут). Бугун у фаолиятидаги 7-мағлубиятини қабул қилиб олди (1 та нокаут).