Одилхон Камолов Эркебулан Токтарга қарши жангдан кейин фаолиятини якунлашини айтди, бунинг сабаби маълум

У мусобақа давомида бўлажак рақиби, қозоғистонлик Эрекбулан Токтар билан юзма-юз келди. Ҳамюртимиз мазкур жараёнда ўз фикрлари билан ўртоқлашди.

"Ўтган жангда ҳам кўрдик, кўп гапирган ёки башорат қилган эмас, сабабини қилган одам ғалаба қозонди. Жисмоний ҳолатим тайёр бўлгани учун бу жангни қабул қилдим. Эркебуланга бу реванш жангини бераман, деб ваъда берган эдим, ваъдамнинг устидан чиқдим. Худо хоҳласа, соғ бўлиб турсак, март ойида чиройли жанг кўрсатамиз.

Яна бир гапни айтиб ўтишим керак. Бу йўлни Дилшод Умиров (Дитто) билан бошлаган эдим. Март ойидаги жангим фаолиятимдаги охиргиси бўлади. Эркебулан Токтарга қарши жанг - мен учун сўнгги жанг бўлади", - деди Камолов.

Маълумот ўрнида, Одилхон Камолов ва унинг менежери Дилшод Умиров ўртасидаги муносабатларда яқинда мунозара ўтгани маълум бўлди. Улар ижтимоий тармоқлар орқали ўзаро видео мурожаатлар намойиш этган эди.