10 ноя 08:35
Янгиликлар

Бокс/ММА

Одилхон Камоловнинг Octagon 52 турниридаги рақиби ким бўлиши маълум + ПОСТЕР

18 ноябрь куни Қозоғистоннинг Олма-Ота шаҳридаги "Балуан-Шолак" аренасида ММА бўйича Octagon 52 турнири ўтказилади.

Ушбу оқшом доирасида енгил вазн тоифасида ўзбекистонлик аралаш яккакураш устаси Одилхон Камоловнинг жанг қилиши ҳақида хабар берган эдик. Ҳамюртимизга ким рақиблик қилиши маълум бўлди.

Лига матбуот хизмати тарқатган хабарга кўра, 18 ноябрь куни Камолов қозоғистонлик дебютант Сержан Серикули билан тўқнаш келади. Жанг 3 раунд этиб белгиланган.

Эслатиб ўтамиз, Одилхон Камолов сўнгги бор шу йилнинг 4 март куни Тошкентдаги Octagon 42 турнирида тожикистонлик "Камил Каратэ" билан жанг қилганди. Ўша жангда Камилнинг биринчи раундда қзлидан жароҳат олиши натижасида жанг ўтказилмаган деб топилган эди.