Олимпиада-2018. Эртага ўзбекистонлик спортчи стартга чиқади

Тўрт йилликнинг энг нуфузли мусобақаларда иштирок этаётган ҳамюртимиз Комил Тўхтаев эртага, 22 февраль куни тоғ чанғисининг слалом баҳсларида ўз имкониятини синовдан ўтказади. 

Тошкент вақти билан соат 06:00да бошланадиган мусобақада вакилимиз 97-тартиб рақам остида баҳсларга киришади. Маълумот учун, слаломда 108 нафар спортчи иштирок этади. Баҳслар "Yongpyong Alpine Centre" мажмуасида бўлиб ўтади. 

Эслатиб ўтамиз, 18 февраль куни Комил гигант слалом баҳсларида иштирок этган ва умумий ҳисобда 2:35.99 натижа кўрсатиб, 110 нафар спортчи ичида 52-ўринни эгаллаганди.