11 фев 17:57
Янгиликлар

Олимпия ўйинлари, Қишки спорт турлари

Олимпиада-2018. Пайффер олтин медал соҳиби, Фуркад саккизинчи

Жанубий Кореянинг Пхенчхан шаҳри мезбонлик қилаётган Қишки Олимпия ўйинлари доирасида биатлон бўйича эркаклар ўртасидаги спринт баҳслари бўлиб ўтди.

Мусобақада германиялик биатлончи Арнд Пайффер ғолибликни қўлга киритди. Пайффер фаолиятида илк бор Олимпиада чемпионига айланди. Арнд Сочи-2014 Олимпиадасининг жамоавий эстафета баҳсларида кумуш медалга сазовор бўлган эди.

Чехиялик Михал Крчмарж кумуш медал билан тақдирланган бўлса, италиялик Доминик Виндиш бронза медалига эга чиқди. Виндиш Сочи-2014 Олимпиадасида ҳам совриндор бўлганди. Крчмарж эса илк бор шохсупага кўтарилди.