04 авг 07:20
Янгиликлар
Каратэ, Токио-2020
Олимпиада-2020 дастурига яна бешта спорт тури киритилди
Ёзги Олимпия ўйинлари оиласи яна бешта спорт турига кўпайди.
Рио-де-Жанейро шаҳри (Бразилия)да ўтказилаётган Халқаро олимпия қўмитасининг 129-сессиясида каратэ, серфинг, бейсбол, қоягирлик ва скейтбординг спорт турлари 2020 йили Япония пойтахти Токио шаҳрида ўтказиладиган XXXII ёзги Олимпия ўйинлари дастурига киритиш ҳақида қарор қабул қилди.
Тахминларга кўра, юқорида номлари зикр этилган спорт турларини дастурга киритилиши Олимпия ўйинларининг медаллар жамланмасини яна 18тага оширади.
Халқаро олимпия қўмитасидан маълум қилинишича, янги спорт турлари бирор-бир спорт турининг ўрнига киритилмайди, балки улар Олимпия ўйинлари дастурини янада тўлдирадилар.
Шавкат Жалилов, Рио-де-Жанейро шаҳридан тайёрлади
Ҳавола :
Фикрлар