Олимпиада-2024 мезбонлиги учун даъвогарлар маълум

Эндиликда улар иккинчи босқичда мезбонлик учун курашни давом эттирадилар.

Эслатиб ўтамиз, даъвогар шаҳарлардан талабномалар 2015 йилнинг 15 сентябрига қадар қабул қилинган эди ва шундан сўнг саралашнинг биринчи босқичи бошланган эди.

Дастлабки босқичда даъвогар шаҳарлар ўйинларнинг ўтказиш бўйича ўз қарашлари, концепция ва стратегияларини тақдим этишганди. Мазкур ҳужжатларни ҳар томонлама тахлил қилган ишчи гуруҳ комиссияси ХОҚ ижроқўмига тақдим этган. 

Иккинчи босқичда даъвогар шаҳарлар ва маҳаллий Миллий олимпия қўмиталари учун турли семинарлар ўтказилади. 2016 йилнинг 7 октябрига қадар даъвогар шаҳарлар бошқарув, молия ва хуқуқ масалалари билан боғлиқ хужжатларни ХОҚга тақдим этишлари лозим.

Октябрь – ноябрь ойларида хужжатларни таҳлил қилиб, ижроқўмга тақдим этадиган ишчи гуруҳнинг баҳолаш комиссияси тасдиқланади. Шундан сўнг, жорий йилнинг декабрь ойида ХОҚ кейинги босқичга чиққан даъвогар шаҳарларни эълон қилади.

2024 йилги Олимпиада ўйинларининг мезбони 2017 йил 15 сентябрь куни Перу пойтахти Лима шаҳрида ўтказиладиган ХОҚнинг 130-сессиясида эълон қилинади.