18 ноя 07:41
Янгиликлар

Қишки спорт турлари

Олимпиада чемпиони Алина Загитова иштирокида "Ҳумо Арена"да шоу бўлиб ўтади

Фигурали учиш бўйича жаҳон ва Олимпиада чемпиони Алина Загитова яна бир бор Ўзбекистонга ташриф буюради.

18 декабрь куни соат 19:00 да "Ҳумо Арена" муз саройида Россия чемпиони Татьяна Навканинг лойиҳаси бўлган «Қизил гул» номли муз устидаги мусиқали шоу бўлиб ўтади. Ушбу шоуда асосий рольни Олимпиада чемпиони Алина Загитова ижро этади.

Шунингдек, шоу-дастурида Олимпиада ва халқаро танлов ғолиблари ҳам иштирок этиши кутилмоқда.

Ҳозирда ушбу шоу дастури учун чипталар iTicket.uz орқали онлайн сотилмоқда. Чипталар нархи 150 мингдан - 900 минггача қилиб белгиланган.