16 апр 18:00
Янгиликлар

Қишки спорт турлари

Олимпиада чемпиони Патрик Чан фаолиятини якунлади

Фигурали учиш бўйича Канада терма жамоаси аъзоси Патрик Чан спортчилик фаолиятини якунлаганини маълум қилди.

"Мен учун фигурали учиш бўйича мусобақаларда Канада шарафини ҳимоя қилиш катта фаҳр ҳиссини уйғотди. Мен барча орзуларимни амалга оширдим. Энди эса янги марралар вақти келмоқда.

Умид қиламанки, менинг фаолиятим ёз спортчилар учун ўрнак бўлади", - деди Чан.

Маълумот учун, 27 ёшли фигурали учувчи 2018 йилги Олимпия ўйинларининг жамоавий баҳсларида олтин, Сочи Олимпиадасида эса иккита кумуш медални қўлга киритганди. Шунингдек, у уч маротаба жаҳон чемпионатида олтин медаль соҳибига айланган.