Олимпиада ҳамда уч карра жаҳон чемпиони 53 ёшида вафот этди

“Мен бу янгиликни эшитиб жуда хафа бўлдим. Биз Сеул, Барселона ва Атланта Олимпиадаларида Япония шарафини биргаликда ҳимоя қилганмиз. У ўз даврининг буюк спортчиси, дзюдога эса чексиз муҳаббати бор эди”, - дейди Токио-2020 Олимпиадаси ташкилий қўмитаси президенти Сеико Ҳашимото ўзининг собиқ жамоадошини хотирлаб.

Кога 1992 йил дунёда 71 кг вазн тоифасида олтин медал учун асосий да`вогар эди. Лекин у Барселона Олимпиадасидан олдин тайёргарлик жараёнида тиззасидан жароҳат олди. Тошиҳико қисқа фурсат ичида жароҳатини енгибгина қолмай, Барселона Олимпиадаси ғолибига ҳам айланди. У олтин медал учун кечган беллашувда венгриялик Барталан Ҳажтосни мағлуб этганди.

Ҳошимото шуни ҳам қўшиб қўйди: “У ғалаба қозонган пайтни эслайман. Кого менга жароҳатга қарамай олтин медал ютмоқчи эканлигини айтганди. Мен унинг кучига қойил қолганман”.

Кога Барселона Олимпиадасидан сўнг танаффус олди. Аммо, Атлантадаги "100 Ўйинларда" яна спортга қайтиб, -78 кг вазн тоифасида кумуш медални қўлга киритди.

Маълумот учун, Кога -71 ва -78 кг вазн тоифаларида уч карра жаҳон чемпиони ҳисобланади.