07 май 13:40
Янгиликлар

Дзюдо

«Олимпия келажаги». Дзюдо бўйича беллашувларда иккинчи финалчи аниқланди

Миллий олимпия қўмитаси ташаббуси билан ўтказилаётган «Олимпия келажаги» мусобақасининг дзюдо бўйича баҳсларида яна бир финалчи номи маълум бўлди.

«D» гуруҳидаги беллашувларга Хоразм вилояти мезбонлик қилди. Мусобақа якунига кўра Бухоро вилояти терма жамоаси ҳал қилувчи финал босқичига йўл олди. Бухороликлар бу борада Хоразм ҳамда Қорақалпоғистон терма жамоаларини ортда қолдиришди.

Эслатиб ўтамиз, бунгача «С» гуруҳида ўтказилган баҳсларда Қашқадарё вилояти терма жамоаси ғолиб чиқиб, финал йўлланмасини қўлга киритганди.

Демак, «Олимпия келажаги»нинг дзюдо бўйича мусобақаларида Қашқадарё ҳамда Бухоро терма жамоалари финалда иштирок этадилар. Навбатдаги ҳудудий мусобақалар 12-13 май (Самарқанд) ҳамда 19-20 май (Наманган) кунлари бўлиб ўтади.