Оливейра Чендлер билан реваншдан олдин оғир жароҳат олганлигини айтди

"Бу ҳақида гапиришни истамагандим, чунки агар мағлубиятга учрасам, бу ўзини оқлаш бўлиб қоларди. Ғалаба қозонсам эса бу ўзимни мақташга ўхшаб қолади. Аммо барибир кимдир бу маълумотни чиқариб юборибди. 

Мен жароҳат олдим ва шифокор 4-6 ҳафтага машғулотларни тўхтатишим кераклигини айтди. Мен 15 кунга тўхтадим, кейин эса ишлашда давом этдим. Биламан, бундай жанглар мени чемпионлик жангига қайтаради. Шунинг учун бу жангдан воз кечганим йўқ", - деди Оливейра.