Оливейра нима сабабдан Ислам билан жангга рози бўлганини очиқлади

Вазн қила олмагани сабаб чемпионлик камаридан маҳрум бўлган Чарльз Оливейра нима учун Ислам Махачев билан жангга розилик берганига изоҳ берди. Бразилияликнинг айтишича, Махачев устидан қозонилажак ғалаба унга Конор Макгрегорга қарши октагонга чиқиш эшикларини очади.

"Менга бу сценарий ёқяпти. Бу идеал ҳолат. Биз Макгрегор билан Бразилияда жанг ташкил қилиб беришларини сўраган эдик. Ўйлайманки, бу жанг ҳали амалга ошади. Ишончим комил, бу жанг келаси йили бўлиб ўтади. Айнан Конорга қарши жанг сабаб Махачев билан "қафас"да учрашишга розилик бердим. Ғалабаларим қанчалик кўп бўлса, Конорга қарши жанг ўтказишим шунчалик тезлашади", - дея ESPN телеканалига интервью берган Оливейра.

Маълумот учун, 2023 йилнинг 21 январь куни Бразилиянинг Рио-де-Жанейро шаҳрида UFC 283 турнири бўлиб ўтади. Оливейра айнан шу турнирда Конор Макгрегор билан жанг қилмоқчи.