Оливейранинг мураббийи Махачевга қарши жанг ҳақида гапирди

"Чарлзнинг рақиби жуда яхши курашчи. Менимча, у Хабиб Нурмагомедовдан яхшироқ, чунки Махачев курашчи, Хабиб эса самбо устаси.

Ислам ҳам самбо билан шуғулланган. Лекин, у биринчи навбатда курашчи, кейин самбо ва ММА жангчиси.

Биз Оливейра билан сўнгги тўрт йил давомида бирга ишлаяпмиз ва мен унинг бу даражада ўсганидан жуда ҳайратдаман. У ҳар доим энг юқори савияда курашган ва мен учун ҳам ҳозир уни мағлуб этиш қийин. У ҳужумда ҳам, ҳимояда ҳам яхши.

Биз барча техникалар устида ишлаяпмиз ва Ислам уни партерга ўтказа олмайди. Бу содир бўлган тақдирда ҳам, у ўзи жанг қилган бошқа рақиблар каби уни ушлаб туролмайди ва назорат қила олмайди", - деди Ноэй.

Махачев ва Оливейра ўртасидаги бўш чемпионлик жанги 22 октябрь куни Абу-Дабидаги UFC 280 турнирида бўлиб ўтади.