Олмалиқда туғилган Антон Вальдемар "Боруссия Д"га ўтишга яқин

"Штутгарт" ҳимоячиси Антон Вальдемар "Боруссия" Дортмундга ўтишга яқин турибди, деб хабар берди "Sky Sports" мухбири Флориан Плеттенберг.

Хабар қилинишича, 27 ёшли Антон аллақачон тиббий кўрикдан ўтган. Евро-2024дан сўнг ҳимоячи "қора-сариқлар" билан тўрт мавсумга, яъни 2028 йилгача мўлжалланган шартнома имзолайди.

Ҳимоячи 2023/24 йилги мавсум "Штутгарт" сафида 37 та ўйин ўтказиб, 1 та гол ва 4 та голли узатмага муаллифлик қилди.

Маълумот ўрнида, Антон Тошкент вилояти Олмалиқ шаҳрида рус ва немис оиласида дунёга келган.