О'Мэлли Мейвезер ҳақида: "У кунига уч-тўрт мартадан машғулот ўтказган"

Энг енгил вазн (- 53,5 кг)да америкалик UFC жангчиси, рейтинг пешқадами бўлиб турган Шон О'Мэлли (16-1-1) ҳамюрти, афсонавий боксчи Флойд Мейвезер (50-0)дан ҳайратда эканини яширмади.

"Мен Флойднинг кўплаб видеоларини томоша қилдим. У кунига уч-тўрт марта машғулот ўтказган экан, ваҳоланки, бир соат давомида "мешок" уриши ҳам мумкин экан. 50:0 ҳисобида рекорд ўрнатиш ва мағлубиятсиз кетиш жуда ёқимли. Бу илҳомлантиради. 

Мен 50:0 қилишга ҳаракат қиляпман, ҳаммаси унинг иш услуби бўйича. Шуларсиз сиз Флойд Мейвезер бўла олмайсиз. Сиз доимо югуришингиз, "мешок" ва лапалар билан ишлашингиз керак. Аммо у машғулот ўтказмаганида, ёнида фақат қизлар бўларди. Бу "баланс" дейилади", - дейди О'Мэлли.

Шон О'Мэлли сўнгги бор 2022 йил 22 октябрь куни Абу-Даби (БАА)да ташкил этилган UFC 280 турнири доирасида россиялик Петр Ян (16-4)га қарши октагонга кўтарилиб, ҳакамлар қарори билан ғалаба қозонган эди.