О'Мэлли Нурмагомедов учун осон ўлжа. Доғистонлик йигит Стрелингнинг хатоларини такорламайди

Шон О'Мэлли энг енгил вазн тоифасида янги UFC чемпиони бўлди. Унинг Алжамейн Стерлинг устидан қозонган ғалабаси ҳақиқий сенсация эди. Шон хатога йўл қўйган рақибини дарҳол жазолади. Аммо яқин-яқингача О'Мэлли чемпионлик камарини елкасига осиб қўйишига ишониш қийин эди. Тўғри, Шон ўта енгил вазн тоифасида доминант кучга айланишига шубҳа бор. Асосий хавф эса Россиядан.

Ушбу дивизионнинг умидли жангчилардан бири Умар Нурмагомедовдир. Хабибнинг жияни шунчаки рақибларини мағлуб этди ва Кори Сандхаген билан жанг қилишга мажбур бўлди. Ҳаттоки, Кори UFC бу жангга камар учун даъвогарлик мақомини беришни режалаштирганини ҳам айтди. Аммо ҳаммаси бошқача бўлиб чиқди. Умар жароҳат олиб октагонга кира олмади. Шу боис, камар учун курашдан бироз четга чиқиб қолди. Бироқ, касалхонадан қайтгандан сўнг, промоушен раҳбарлари Умарни узоқ вақт куттирмасликлари аниқ.

О'Мэлли ва Нурмагомедов ўртасидаги жанг нафақат дивизионда, балки ундан ташқарида ҳам энг кутилган воқеа бўлиши мумкин. Чунки жангчилар «стойка»даги энг кучли тўқнашувни намойиш этишга қодир. Раони Барселос билан сўнгги жангида россиялик ажойиб нокаут қайд этди, зарба ўтказиб юборишдан қўрқмаслигини кўрсатди. Бироқ, титул учун курашда Хабибнинг жияни барча интрига ва шубҳаларни йўқ қиладиган даражада ишончлироқ ҳаракат қилади деган туйғу бор.

О'Мэлли ажойиб панчер. UFC'даги деярли барча ғалабаларини нокаут билан қўлга киритган. Лекин биз ҳеч қачон бундай даражадаги жангчиларнинг учрашувини кузатмаганмиз. Қизиғи шундаки, ҳатто Петр Ян унга партерда муаммо туғдирган. Ян Шонни  партерга йиқитган. Аммо партерда муваффақиятга эришишнинг иложи бўлмади, чунки Петрнинг ўзи ҳам панчер ҳисобланади ва кўп ҳам курашга киришмайди.

Кўпчилик жангда Стерлинг дарҳол ўзининг курашдаги устинлигидан фойдаланиб Шонни партерда енгади деб ўйлаганди. Алжо эса негадир «стойка»дан бошлашга қарор қилди. Ва у энг даҳшатли қуролга - Шоннинг зарбаларига дуч келди. Умар чемпионлик камарини хавф остига қўйиб Алжамейннинг хатосини такрорламайди. Хабибнинг амакиваччаси рақибни зудлик билан партерга йиқитади ва ўша вақтдаёқ жанг тақдирини ҳал қилади.

О'Мэлли ғалаба қозонди, лекин фақат Умарнинг чемпионлик йўлини осонлаштирди. Негаки, Стерлинг Умар учун жиддийроқ синов бўлиши мумкин эди. У аллақачон курашда устунлигини, «стойка»да ҳайратга солишга қодирлигини намойиш этган. Шон анча содда жангчи. Нурмагомедовга қарши курашда эса сенсация қилиши лозим. Акс ҳолда, чемпионлик камари Россия томон йўл олади.